上莊上左差唔多半年啦 即係話 第二十二屆 香港城市大學學生會幹事會 財務幹事 呢個位置 都做左差唔多一半 想一想 都應該係時候做個小小既總結 做學生會呢段時間 甜酸苦辣都嘗過了 當中有很多愉快 很多不快的事 當初未做學生會之前 絕對覺得學生會既人係一班好叻好能幹既人(可能睇得動畫太多) 以為自己上到黎都會叻D 事實卻往往未如人意既 原來一切都只係空想 由初初俾人厄左去選學科聯會->輸左->到去選學生會(初初選post輸了，再因人數不足被叫回來) 真係好似發左一場夢咁 轉眼就半年了 我又老了半歲了 學生會入面 有好多人本身就已經係朋友，組爸，組媽，同學 他們認識對方 有時會互相體諒 傾訴 男莊員特別優待女莊員 這個可以理解的 雖然真的有點過份 一開始的我 都比較主動去接觸他們 一開始時 好像交到不少朋友似的 到了現在 看到很多事 看透了 還是做回從前的我比較好 真的做事的方法很不同 他們在街上逛 真的一點也不像大學生 更加不像學生會 反而有點像小孩子 計劃事情像個小孩子 計算人卻比什麼人也要強 當然一隊人裡 總不會全部也好/差的 還有幾個也真的不錯的  
去了2次澳門 第一次真的不錯 有A Chu 一D 都唔悶 同埋 真係睇左好多去澳門未睇過 未接觸過既野 正宗豬扒飽(條龍真係好x長) 正宗萄撻(唔記得左係咩野出名...總之"勁") 第一次入賭場(輸了700蚊，從此以後，我學會了賭波同賭馬.....) 仲有係賭場食左一次超正既自助餐~(正到喊)   
第2次去既原因好簡單 真係陪去...
係學生會入面 學曉了一樣野 賭博日日聽佢地賭 自己都不禁想試了 自此以後 就一路賭了 原來賭錢真係可以養自己架....(媽媽2個星期冇俾錢我，我都係靠佢咋) 不過我都係學生會入面唯一一個可以長期贏錢既人...唔知點解(雖然都仲會有輸的時候) 總之 贏多過輸啦
根住 我地搞左一次High Table其實呢個function開始第一步既係我 不過到到做完左第一步 我的工作開始被搶了 咁我就索性俾埋佢地搞 點知我倒返轉俾人話我唔做野...... 不過整個function都唔錯既，除左D野食之外 請左好多名人，有落選特首既梁家傑，不過好多垃圾議員，仲有，好彩睇到長毛o個封邀請信截住左，如果唔係真係..........    
上左校長屋企一次 呢個係城大租俾校長既屋企 不過第一次去呢D場合 有D唔知點咁 D野食都ok既 不過都幾搞笑 有味送入面有好多菇既 個個隻碟度都淨返好多 我以為得我一個咁特別唔食菇 點知原本有好多同道中人~~  
就職典禮 整個策劃真係冇乜點參與過 不過出黎既效果都真係ｏｋ既 係覺得有小小排練不足 最搞笑既係我宣誓ｏ個時突然控制唔到自己ｄ手指，唔記得自己舉左做ｄ咩ｌｕ 不過好彩收得快 正常人應該唔覺．．． 之後上左去城軒（城大唯一既茶樓）食晚飯 初初俾人編左去同?#23416;聯?#21516;埋其他大學ｄ人度坐，坐左落去之後，真係?#65359;?#24038;．．．． 完全唔知同佢地講咩野好 好彩 之後俾我搵到個機會掉位 掉左去主家席（食廢人餐＝野食一早分晒落碟仔度俾你） 雖然ｄ人都大過我同埋都唔係好識 不過唔知點解比起學聯ｏ個堆人，有好百倍千倍既感覺
講開又講，總有一件大事．．．．．就係開學聯喇ｏ個時正係搞ｈｉｇｈ ｔａｂｌｅ搞得如火如荼 正趕緊出遨請信 ｏ個日就要開學聯 就係因為呢件小事 為左爭取多小小時間出信 要遲小小去學聯 就令我同ｒａｙ ｌｅｕｎｇ第一次爭執喇 呢次亦係第一次同莊員吵了 結果信我係寄了 都冇遲到去學聯 因為佢地唔齊人開會 要等到夠人為止 你話學聯班旦散係咪麻ｘ煩丫 呢個接近二十個小時既會 本應唔准吵唔准訓唔准玩既 不過我地城市大學乜都做齊晒 哈哈 其他大學都好似有架 不過應該少過我地 終於開到零晨４，５點．．．．第二日仲好似要早起身．．．ｈｉｇｈ．．． 學聯總結：我地既學生每日需要俾６蚊學聯做會費，即係我地學校俾左７萬佢地，其實我真係唔知呢７萬蚊用左去邊度．．．老實講，我覺得一蚊都冇使返係我地學生度，只係要學生會去開埋ｄ無聊會   
六四晚會 又係學聯又一杰作 呢個活動 我俾迫要去（係general meeting度俾人指住黎鬧） 六月四日 晴天 晒到ｐｋ 大汗搭細汗 平時冇乜點出街既我 六四過後就好似流晒全年既汗咁 對於一ｄ外務野都唔識既我黎講 學聯係廢既 六四我更加唔知係乜 需然事後都知了 但係始終覺得呢個活動有點兒那個 點解會有２萬幾人黎呢個晚會 成個活動 真係吹水吹左半日走 無聊到極點 中央政府係點人人都知 專登搞個活動數臭佢 你咪仲死快ｄ 搞到１１點 自己一個返左屋企 總之 中央廢 學聯更廢  
做學生會 教人做野好似仲多過自己學野咁開個General Meeting ，有一半時間用左黎講廢話，好似班細路咁 我ｄ時間唔係用黎聽你地講呢ｄ野架 你有ｐｏｉｎｔｓ我黎開會都開得愉快ｄ丫 仲有開ｅ會 要鬧人架咩（我絕對係受害者） 搞完活動 大家知咩野事咪得ｌａｗ 燥就有用既 鬧人就有用既 我食盬多過你食米啦（只係比愉咋） 係學生會入面 講人生經驗 我可以好肯定咁講 我一定多過所有人 講老我未必夠佢地老 不過講工作經驗 應該冇人多得過我 就算工作經驗比我多 都一定唔夠我ｏ個間黑暗 自此以後 我睇人就好准 兩年前 我離開ｏ個間公司之後 就段定我ｏ個個ｘｘ上司會出賣公司 我講過俾我屋企人知 因為係佢地識得個老闆 佢地唔信 到今日 我爸爸話我知 ｏ個個人終於被人炒左（因為收回佣） 我睇人就係好准 邊個做得野 邊個唔做得野 我過一陣就睇得出 學生會入面既人好多都有佢地長處 不過有ｄ又真係冇 總之同我初初認為既學生會真係有好大既分別
 學生會房（整理中）
 係學校教學樓玩捉 元凶 我隻倉鼠 A.Chu隻倉鼠
| 
